विद्यालयातील ठळक घडामोडी

• 

  दि. 14/10/2024 रोजी शिक्षण महर्षी कर्मवीर भाऊराव पाटील यांची जीवनगाथा सांगणारा "कर्मवीरायण" हा चित्रपट विद्यालयातील शिक्षक-शिक्षकेतर कर्मचारी व विद्यार्थ्यांना दाखवण्यात आला. याप्रसंगी संस्थेचे पदाधिकारी, सदस्य व इतर मान्यवर उपस्थित होते.

• 

  दि. 11/10/2024 रोजी विद्यालयात बालवाडी विभागातील विद्यार्थ्यांचा नवरात्रोत्सव दांडिया नृत्य घेण्यात आले.

• 

  दि. 05/10/2024 रोजी विद्यालयात 'स्व. नंदकिशोरजी भार्गव शिक्षण अभियान' अंतर्गत आंतरशालेय निबंध स्पर्धा घेण्यात आली.

• 

  दि. २१ सप्टेंबर २०२४ रोजी विद्यालयात विद्यार्थिनींना स्वसंरक्षणाच्या दृष्टीने मा. हर्षदा जोशी यांनी "Woman Self Defence Program" या अंतर्गत प्रात्यक्षिकासह मार्गदर्शन केले.

• 

  दि. १७ सप्टेंबर २०२४ रोजी विद्यालयात मराठवाडा मुक्तीसंग्राम दिनानिमित्त अभिनव मानव विकास संस्था सहसचिव व दैनिक सिद्धेश्वर समाचारचे संस्थापक मा. सूर्यप्रकाशजी धूत यांच्या हस्ते ध्वजारोहण संपन्न झाले.

• 

  दि. १४ सप्टेंबर २०२४ रोजी विद्यालयात हिंदी दिन उत्साहात साजरा केला. कार्यक्रमाच्या प्रमुख अतिथी श्रीमती सुलोचना नोगजा मॅडम यांनी विद्यार्थ्यांनी बनवलेल्या हस्तलिखितांचे प्रकाशन करून जीवनातील हिंदी भाषेचे महत्त्व पटवून दिले.

• 

  दि. ०७ ते १७ सप्टेंबर २०२४ दरम्यान विद्यालयात गणेशोत्सव सण उत्साहात साजरा केला.

• 

  दि. ०१/०९/२०२४ रोजी विद्यालयात पर्यावरणपूरक श्रीगणेशनिर्मिती कार्यशाळा घेण्यात आली.

• 

  दि. २७/०८/२०२४ रोजी विद्यालयात गोकुळाष्टमी सण उत्साहात साजरा करण्यात आला.

• 

  दि. २०/०८/२०२४ रोजी विद्यालयात संस्कृत दिन उत्साहात साजरा करण्यात आला.

• 

  दि. १५/०८/२०२४ रोजी विद्यालयात भारतीय स्वातंत्र्य दिनानिमित्त संस्थेचे उपाध्यक्ष मा. तेजमलजी बोरा यांच्या हस्ते ध्वजारोहण संपन्न झाले.

• 

  दि. ०८/०८/२०२४ रोजी विद्यालयात नागपंचमी सणानिमित्त सर्प अभ्यासक ॲड. बुद्धकुमार कांबळे यांनी विद्यार्थ्यांना सापाबद्दल समाजात असलेले समज-गैरसमज याबद्दल माहिती देऊन जैविक परिसंस्थेतील सापांचे महत्त्व सांगितले.

• 

  दि. ०२/०८/२०२४ रोजी पर्यावरणतज्ज्ञ मा. अतुल देऊळगावकर सर यांनी इयत्ता ९वी,१०वीच्या विद्यार्थ्यांना "स्वप्रेमग्रस्त..Selfitis" व "विश्व आणि आपण" या विषयावर सखोल मार्गदर्शन केले.

• 

  दि. १६/०७/२०२४ रोजी विद्यालयात आषाढी एकादशीनिमित्त पालखी सोहळा घेण्यात आला.

• 

  दि. १६/०७/२०२४ रोजी विद्यालयात पुणे येथील भूदृश्यकला निष्णात (Landscape Architect) मा. जितेंद्र पावगी यांनी "Enviornment & Development" या विषयावर इयत्ता 8वी,9वी च्या विद्यार्थ्यांना मार्गदर्शन केले. तसेच पुणे येथील अक्षरनंदन या प्रयोगशील विद्यालयातील शिक्षण पद्धतीची माहिती शिक्षकांना देऊन शिक्षकांशी संवाद साधला.

• 

  दि. ११/०७/२०२४ रोजी शालेय समितीचे अध्यक्ष मा. अतुल देऊळगावकर सर यांनी आज इयत्ता नववी व दहावीच्या विद्यार्थ्यांना हवामान बदल या विषयावर सविस्तर मार्गदर्शन केले.

• 

  दि. २९/०६/२०२४ रोजी प्रसिद्ध बालसाहित्यिक डॉ. संगीता बर्वे, संगीतकार राजीव बर्वे व गायिका प्रांजली बर्वे यांनी आज विद्यालयातील तिसरी व चौथीच्या विद्यार्थ्यांना मार्गदर्शन केले. तसेच काव्यवाचन,गीतगायन व अभिवाचन सादरीकरण करून विद्यार्थ्यांशी संवाद साधला.

• 

  दि. २४/०६/२०२४ रोजी विद्यालयात इयत्ता पाचवी व आठवी शिष्यवृत्ती परीक्षेतील गुणवंत विद्यार्थ्यांचा गुणगौरव सोहळा माननीय हेमंत कोटलवार, भारतीय राजदूत, फिनलँड यांच्या हस्ते संपन्न झाला.

• 

  दि. २४/०६/२०२४ रोजी विद्यालयात इयत्ता दहावी बोर्ड परीक्षेतील गुणवंत विद्यार्थ्यांचा गुणगौरव सोहळा माननीय हेमंत कोटलवार, भारतीय राजदूत, फिनलँड यांच्या हस्ते संपन्न झाला.

• 

  दि. २१/०६/२०२४ रोजी विद्यालयात वृक्ष संवर्धन संदेश फेरी काढण्यात आली.

• 

  दि. २१/०६/२०२४ रोजी विद्यालयात आंतरराष्ट्रीय योग दिन साजरा करण्यात आला.

• 

  दि. १४/०६/२०२४ रोजी विद्यालयात शैक्षणिक वर्ष २०२४-२५ च्या प्रथम दिनी प्रवेशोत्सव साजरा करण्यात आला.

• 

  दि. २७/०५/२०२४ रोजी विद्यालयाचा मार्च २०२४ दहावी परीक्षेचा उज्ज्वल निकाल

• 

  दि. ०१/०५/२०२४ रोजी विद्यालयात महाराष्ट्र दिन साजरा करण्यात आला.

• 

  दि. २६/०३/२०२४ रोजी विद्यालयात SVEEP अंतर्गत मतदार जनजागृती अभियान

• 

  दि. ०७/०३/२०२४ रोजी विद्यालयात जागतिक महिला दिनानिमित्त UNICEF अंतर्गत महिलांच्या आरोग्यविषयक समस्यांवर काम करणाऱ्या श्रीमती अपर्णा कुलकर्णी गोवंडे यांनी इयत्ता पाचवी ते आठवीच्या विद्यार्थिनींना त्यांच्यात होणाऱ्या मानसिक व शारीरिक बदलाबाबत मार्गदर्शन केले.

• 

  दि. ०५/०३/२०२४ रोजी विद्यालयात बालवाडी ते चौथी वर्गाच्या विद्यार्थ्यांचे विज्ञान, गणित व भाषिक खेळांचे प्रदर्शन आयोजित करण्यात आले होते. उद्घाटन प्रसंगीचे व प्रदर्शन पाहणी करतानाचे क्षणचित्रे.

• 

  दि. २८/०२/२०२४ रोजी विद्यालयात विज्ञान दिन साजरा करण्यात आला.यावेळी दयानंद महाविद्यालयाचे प्राध्यापक, खगोलशास्त्रज्ञ डॉ.महादेव पंडगे प्रमुख पाहुणे म्हणून उपस्थित होते.कार्यक्रमाच्या अध्यक्षस्थानी संस्था सचिव श्री.कमलकिशोरजी अग्रवाल उपस्थित होते. कार्यक्रमाचे उद्घाटन जलविद्युत केंद्र प्रकल्पाचा नॉब फिरवून केले. जलविद्युतच्या मदतीने समई प्रज्वलित झाली. "विज्ञानाच्या विद्यार्थ्याने नेहमीच हे असे का? हा प्रश्न विचारण्याची सवय जोपासली पाहिजे", असे प्रतिपादन डॉ.पंडगे यांनी केले. यावेळी ५ वी ते ८ वी च्या विद्यार्थ्यांनी तयार केलेल्या भौतिकशास्त्र, जीवशास्त्र, रसायनशास्त्र, पर्यावरण शास्त्र विषयातील १०० प्रयोग मांडले होते.

• 

  दि. २७/०२/२०२४ रोजी विद्यालयात मराठी भाषा गौरव दिन साजरा करण्यात आला.यावेळी शिक्षक, लेखक, कवी डॉ.संतोष सेलूकर प्रमुख पाहुणे म्हणून उपस्थित होते. यावेळी विद्यार्थ्यांनी तयार केलेल्या ऋतुबहार या भित्तिपत्रकाचे विमोचन करण्यात आले.तसेच विद्यार्थ्यांनी काढलेल्या लेखक,कवींच्या रेखाचित्रांचे प्रदर्शन भरविण्यात आले होते. सेलूकर सरांनी पाचवी ते आठवीच्या विद्यार्थ्यांना वाचनाचे महत्त्व सांगून, साष्टांग लोटांगण ही त्यांची स्वतःची कथा सांगितली.

• 

  दि. २२ फेब्रुवारी २४ - दहावी वर्गातील विद्यार्थ्यांचा सदिच्छा समारंभ

• 

  दि. १७ फेब्रुवारी २४ - विद्यालयात इयत्ता दहावी वर्गाचा स्वयंशासन दिन घेण्यात आला. या दिनानिमित्त दहावी वर्गातील विद्यार्थ्यांनी मुख्याध्यापक, उप मुख्याध्यापक, पर्यवेक्षक, सहशिक्षक, सेवक मामा अशी विविध पदे सांभाळून विद्यालयाचे कामकाज चालवले.

• 

  दि. १६ फेब्रुवारी २४ - ज्येष्ठ चित्रपट अभ्यासक, अभिनेता, दिग्दर्शक समर नखाते सर यांनी इयत्ता आठवी व नववीच्या विद्यार्थ्यांना चित्रपटांचा उगम कसा झाला व सोशल मिडीयाचा प्रादुर्भाव यावर मार्गदर्शन केले.

• 

  दि. १५ फेब्रुवारी २४ - बालरंगभूमी परिषदेचे अध्यक्ष श्री.प्रकाश पारखी यांनी इयत्ता तिसरी व चौथीच्या विद्यार्थ्यांशी संवाद साधला. त्यांनी विद्यार्थ्यांना एकपात्री प्रयोग, नाट्यछटा, स्वगत, कथाकथन यातील फरक प्रात्यक्षिकातून खूप छान समजावून सांगितला. त्यांनी सादर केलेल्या कृतीगीताने व 'जादूचे घर' ही गोष्ट सांगताना काढलेल्या वेगवेगळ्या आवाजाने विद्यार्थी भारावून गेले. याप्रसंगी लातूर येथील प्रसिद्ध नाट्य कलाकार अमोल गोवंडे उपस्थित होते.

• 

  दि. 6/02/2024 रोजी स्वामी रामानंद तीर्थ मराठवाडा विद्यापीठ , नांदेडच्या School of Mathematical Sciences विभागाच्या वतीने गणित दिनानिमित्त घेतलेल्या Math quiz competition च्या Mega final मध्ये चार जिल्ह्यातील आठ संघामधून आपल्या विद्यालयातील खालील विद्यार्थ्यांच्या संघाने द्वितीय क्रमांक पटकावला : १) श्रीनिवास अजमेरा २) सोहम कदम ३) श्रीसंत भुतेवाड ४) सार्थक कावळे सहभागी विद्यार्थी व गणित अध्यापकांचे हार्दिक अभिनंदन !

• 

  दि. 2/02/2024 रोजी अखिल भारतीय मराठी नाट्य परिषद, मुंबई द्वारा आयोजित नाट्य कलेचा जागर - बालनाट्य स्पर्धेचे आयोजन करण्यात आले होते. या स्पर्धेत आपल्या विद्यालयातील प्राथमिक विभागाच्या संघाने इंद्रधनू या बालनाट्याचे सादरीकरण केले.आपल्या विद्यालयाच्या संघास प्रथम क्रमांकाचे पारितोषिक प्राप्त झाले असून उपांत्य फेरीसाठी या नाटकाची निवड झाली आहे. बक्षिसाचे स्वरूप दहा हजार रुपये व सहभागी सर्व विद्यार्थ्यांना प्रमाणपत्र. विद्यालयाच्यावतीने सर्व सहभागी बाल कलाकारांचे अभिनंदन!!!!

• 

  दि. १ फेब्रुवारी २४ - विद्यालयात क्रीडा सप्ताहाचे उद्घाटन श्री. जी. एस. बुरांडे यांच्या हस्ते संपन्न झाले .

• 

  दि. २६ जानेवारी २४ - विद्यालयात भारतीय प्रजासत्ताक दिन उत्साहात साजरा करण्यात आला.

• 

  दि. 20/01/2024 रोजी मराठवाडास्तरीय आंतरशालेय वादविवाद स्पर्धेत विद्यालयातील विद्यार्थी संघाने प्रथम क्रमांक पटकाविला. विजेत्या विद्यार्थ्यांचे प्रमाणपत्र व बक्षीस देऊन अभिनंदन करण्यात आले !

• 

  दि. 18/01/2024 रोजी रोटरी क्लब ऑफ लातूर मिड-टाऊन तर्फे स्व. कांतीलालजी कुचेरिया यांच्या स्मरणार्थ चित्रकला स्पर्धा घेण्यात आली. यात आपल्या विद्यालयातील कु. टिपराळे तेजस्विनी (इ.तिसरी) व चि. काळे अथर्व (इ.चौथी) या दोन विद्यार्थ्यांनी प्रथम क्रमांक मिळविला. या दोन विद्यार्थ्यांचा सायकल व प्रमाणपत्र देऊन रोटरी क्लब तर्फे सत्कार करण्यात आला.
  तसेच इ.चौथी मधील चि. रुद्रदीप देशमुख व कु. साक्षी बागल या दोन विद्यार्थ्यांनी दुसरा क्रमांक आणि इ. दुसरीतील कु. गार्गी जाधव व कु. स्वरा शहा या दोन विद्यार्थिनींनी उत्तेजनार्थ पारितोषिक मिळविले. विजेत्या विद्यार्थ्यांचे प्रमाणपत्र व बक्षीस देऊन अभिनंदन करण्यात आले !

• 

  दि. १० जानेवारी २४ - विद्यालयात विश्व हिंदी दिन उत्साहात साजरा करण्यात आला.

• 

  दि. 28/12/2023 रोजी श्रीराम माध्यमिक व उच्च माध्यमिक विद्यालय, रेणापूर येथे मराठवाडा पातळीवर गीत गायन स्पर्धेत इयत्ता चौथी वर्गातील चि.रुद्रदीप विष्णू देशमुख याने द्वितीय क्रमांक मिळविल्याबद्दल विद्यालयातर्फे त्याचे हार्दिक अभिनंदन!

• 

  दि. २४ व २५ डिसेंबर २३ - विद्यालयाचे वार्षिक स्नेहसंमेलन मोठ्या उत्साहात संपन्न

• 

  दि. ७ डिसेंबर २३ - विद्यालयाचा माजी विद्यार्थी चि. अनिरुद्ध अशोक कुलकर्णी हा सध्या IIT दिल्ली येथे शिक्षण घेत असून त्याची काँटबॉक्स संशोधन केंद्रात कोअर अभियांत्रिकी विश्लेषक या पदावर निवड झाली. त्याच्या शैक्षणिक वाटचालीचे व निवडीबाबतचे अनुभव विद्यार्थ्यांना जाणून घेता यावेत यासाठी त्यास गुरुवार दि.०७/१२/२०२३ रोजी विद्यालयात निमंत्रित केले होते. या विद्यार्थी संवाद प्रसंगाची काही क्षणचित्रे.

• 

  दि. १३ नोव्हेंबर २३ - विद्यालयात माजी विद्यार्थ्यांचा स्नेहमेळावा घेण्यात आला त्यावेळी काढलेली काही क्षणचित्रे

• 

  दि. २६ ऑक्टोबर २३ - संवाद सेवाकार्याशी या उपक्रमांतर्गत इयत्ता चौथीच्या विद्यार्थ्यांनी शिवाजी नगर पोलीस स्टेशन लातूर येथील हेडकॉन्स्टेबल धैर्यशील शिवाजी मुळे व हेडकॉन्स्टेबल सुदेशना त्र्यंबक शिंदे या दोघांची मुलाखत घेतली. यातून पोलीस हे समाजाचे रक्षक व मित्र असतात असे सांगून त्यांनी आपले अनुभव दिलखुलासपणे विद्यार्थ्यांना सांगितले. शिस्त,समाजसेवा ,कर्तव्यदक्षता,जिद्द ,स्पर्धा,त्याग इत्यादी गोष्टींचा त्यांनी परिचय करून दिला. तसेच पोलीस विभागाचे ब्रीदवाक्य सद्रक्षणाय खलनिग्रहणाय याचा अर्थही समर्पकपणे सांगितला. पोलीस विभागाची सखोल माहिती मुलांना दिली व मुलांनी आजपासूनच आपले ध्येय निश्चित करून मार्गक्रमण करावे. तसेच आपले आईवडील व गुरुजनांचा मान राखावा असे त्यांनी सांगितले. विद्यालयाचे मुख्याध्यापक श्री. रमाकांत स्वामी यांनी त्यांच्या उपस्थितीबाबत व उत्कृष्ट विवेचनाबद्धल अभिनंदन करून दोन्ही पोलिसांचे आभार मानले.

• 

  दि. १५-२४ ऑक्टोबर २३ - नवरात्रोत्सव

• 

  दि. १५ ऑक्टोबर २३ - विद्यालयात डॉ. ए.पी.जे.अब्दुल कलाम यांचा जन्मदिवस (१५ ऑक्टोबर) हा वाचन प्रेरणा दिन म्हणून साजरा केला जातो. यानिमित्त आपल्या विद्यालयातही ग्रंथ प्रदर्शन भरवून हा दिवस साजरा केला. निवडक दोनशे पुस्तकांचे प्रदर्शन भरविण्यात आले.या प्रदर्शनात डॉ.अब्दुल कलाम,माधुरी पुरंदरे, वीणा गवाणकर,सुधा मूर्ती,अतुल देऊळगावकर अशा नामवंत लेखकांची पुस्तके तसेच मासिके व संदर्भग्रंथांची मांडणी केली. विद्यार्थी व शिक्षकांनी पुस्तक प्रदर्शनास भेट देऊन उपयुक्त पुस्तकांच्या नोंदी आपल्या नोंदवहीत घेतल्या. सीमा कुलकर्णी व दर्शन देशपांडे या शिक्षकांनी वाचनाचे महत्व याबाबत विद्यार्थ्यांना संबोधित केले .

• 

  दि. १२ ते १४ ऑक्टोबर २३ - विद्यालयात किशोरवयीन विद्यार्थ्यांसाठी डॉ. मोहन देस व त्यांच्या सहकाऱ्यांच्या मार्गदर्शनाखाली जून महिन्यामध्ये तीन दिवसीय शिबीर घेण्यात आले होते. त्या शिबीरात किशोरवयीन मुलांमध्ये होणारे शारीरिक, मानसिक बदल, व प्रजननसंस्था याबद्दलच्या वैज्ञानिक, शास्त्रीय माहितीबाबत विद्यार्थ्यासोबत चर्चा झाली. आई-वडील, भावंडे, मित्र, मैत्रिणी या नातेसंबंधाबाबतही संवाद झाला. मैत्री, खास मैत्री, आकर्षण, प्रेमात पडणं यात फरक काय? खरे प्रेम म्हणजे काय? नीती, संस्कृती असे विषयही त्यात होते. सौंदर्य, व्यसने, सोशल मीडिया यांचे किशोरवयीन विद्यार्थ्यांवर होणारे परिणाम याचीही माहिती दिली. मैत्री तुटैणे, अशा प्रसंगांना सामोरं कसं जायचं आणि समृद्ध सुंदर नातं कसं बांधायचं? टेन्शन येतं तेव्हा काय करावं? आधार नेमका कुठं शोधायचा? अशा अनेक विषयावर या शिबीरात चर्चा करण्यात आली. या शिबीरातील सहभागी विद्यार्थ्यांनी वरील विविध विषयांवर त्यांनी समजून घेतलेला आशय स्वतःच्या शब्दात इयत्ता ८ वी ते १० वीच्या आपल्या सहकारी विद्यार्थ्यांसमोर मांडला. सर्वच विद्यार्थ्यांचा उत्तम प्रतिसाद मिळाला.

• 

  दि. १९ ते २८ सप्टेंबर २३ रोजी विद्यालयात गणेशोत्सव सण उत्साहात साजरा करण्यात आला.

• 

  दि. १७/०९/२३ रोजी विद्यालयात पर्यावरणपूरक श्रीगणेशमूर्ती निर्मिती कार्यशाळा घेण्यात आली.

• 

  दि. १७/०९/२३ रोजी विद्यालयात मराठवाडा मुक्तिसंग्राम दिन साजरा करण्यात आला.

• 

  दि. 08/09/2023 रोजी कायदेविषयक साक्षरता दिनाचे औचित्य साधून विद्यालयात मा. न्यायाधीश श्रीमती एस. डी. अवसेकर, सचिव, जिल्हा विधी सेवा प्राधिकरण, लातूर व इतर मान्यवरांनी विद्यार्थ्यांना बालकांचे लैंगिक अपराधांपासून संरक्षण कायदा याविषयी मार्गदर्शन केले व विद्यार्थ्यांनी विचारलेल्या प्रश्नांची उत्तरे दिली.

• 

  दि. ०७/०९/२०२३ रोजी विद्यालयात गोकुळाष्टमीनिमित्त दहीहंडी उत्सव साजरा करण्यात आला.

• 

  दि.३० ऑगस्ट २०२३ - विद्यालयात रक्षाबंधन सण उत्साहात साजरा

• 

  दि.२८/०८/२०२३ रोजी विद्यालयात संस्कृत दिन साजरा करण्यात आला. यावेळी प्रमुख पाहुणे नयनकुमार आचार्य यांनी संस्कृत भाषेचे महत्व सांगितले. वेद प्रतिष्ठान अंतर्गत संस्कृत श्लोक गायन स्पर्धेत द्वितीय क्रमांकप्राप्त कु. जान्हवी बोळेगावे व उत्तेजनार्थप्राप्त कु. देवयानी तिवारी या विद्यार्थ्यांचे अभिनंदन करण्यात आले.

• 

  दि. २३ ऑगस्ट २०२३ - विद्यालयात "शौर्यगाथा मराठवाडा मुक्तीसंग्रमाची" याविषयावर जिल्हा माहिती अधिकारी , लातूर - श्री. युवराज पाटील यांचे व्याख्यान संपन्न झाले.

• 

  दि. १५ ऑगस्ट २०२३ - विद्यालयात भारतीय स्वातंत्र्यदिन उत्साहात साजरा

• 

  दि. ११/०८/२०२३ रोजी इयत्ता तिसरीच्या विद्यार्थ्यांनी श्री. बापू मामा व श्री. चव्हाण मामा या व्हॅनचालक मामांची मुलाखत घेतली. विशेष म्हणजे या मुलाखतीचे सर्व नियोजन विद्यार्थ्यांनीच केले होते. अगदी मामांना स्वतःच्या हस्ताक्षरात वर्गप्रतिनिधींच्या माध्यमातून निमंत्रण पत्र देण्यापासून ते कार्यक्रमाचे सूत्रसंचालन, प्रास्ताविक, आभार आणि प्रत्यक्ष मुलाखत घेणे हे सर्व विद्यार्थ्यांनीच केले. या मुलाखतीच्या माध्यमातून विद्यार्थ्यांनी वाहन चालक मामांना त्यांच्या मनातील अनेक प्रश्न उत्स्फूर्तपणे विचारले आणि मामांनीही त्या प्रश्नांची विद्यार्थ्यांना समजतील अशा भाषेत अगदी सहजपणे उत्तरे दिली. यातून मुलांना वाहन चालक मामांच्या अडचणी तर समजल्याच पण त्याचबरोबर हे मामा अत्यंत निष्ठेने आपुलकीने आणि प्रामाणिकपणे आपले काम कसे करतात हेही समजले. त्यांचे अनुभव सांगताना त्यांनी मुलांना औपचारिक शिक्षणाबरोबरच अनौपचारिक शिक्षण ही किती आवश्यक आहे ते सांगितले. मुलांच्या आनंदातच त्यांचा आनंद आहे असेही, ते म्हणाले. आपल्या पालकांप्रमाणेच अतिशय आपुलकीने आणि सुरक्षितपणे ने-आण करणाऱ्या, अत्यंत संवेदनशील, प्रेमळ असणाऱ्या या मामांचे विविध अनुभव ऐकून मुलांची त्यांच्याविषयी असणारी आदराची भावना अधिकच वृद्धिंगत झाली. मुलाखत ऐकत असलेल्या प्रेक्षक विद्यार्थ्यांनी तुमच्या गाड्यांचा रंग पिवळाच का असतो? कोरोना काळात तुम्ही कसे घर चालवले? असे अनेक चिकित्सक व भावनिक प्रश्न विचारले. या उपक्रमामुळे विद्यार्थ्यांनी मुलाखत नेमकी कशी असते? हे प्रत्यक्ष अनुभवले आणि सामाजिक भान जपत शिक्षण कसे घ्यावे हेही त्यांना शिकण्यास मिळाले.

• 

  दि. ०४/०८/२०२३ - राज्यस्तरीय किकबॉक्सिंग स्पर्धेत विद्यालयातील विद्यार्थ्यांचे नेत्रदीपक यश

• 

  दि. २८/०७/२०२३ रोजी “संस्कृती व विज्ञान” या विषयावर मा. डॉ. हरिप्रसादजी सोमाणी यांनी विद्यालयातील इयत्ता नववी व दहावीच्या विद्यार्थ्यांना मार्गदर्शन केले.

• 

  दि. २७/०७/२०२३ रोजी सनराईज मल्टीफिटनेसचे संचालक मा. महेश पत्रिके यांनी विद्यालयातील शिक्षकांसोबत “वेड मोबाईलचे” या विषयावर संवाद साधला.

• 

  दि. २२/०७/२०२३ रोजी विद्यालयातील इयत्ता नववी व दहावीच्या विद्यार्थ्यांना 'Mental Health for Teenagers' या विषयावर कु. साक्षी सारडा यांचे मार्गदर्शन आयोजित केले होते. या विषयावर संवाद साधताना त्यांनी विद्यार्थी जीवनातील ताण-तणावाचे व्यवस्थापन यावर सविस्तर मार्गदर्शन केले. तसेच विद्यार्थ्यांनी विचारलेल्या विविध प्रश्नांची उत्तरे दिली.

• 

  सौ. पूर्वा अग्रवाल या दुबई येथे पूर्व प्राथमिक विभागात अध्यापन करतात. आपल्या विद्यालयातील बालवाडी व पहिलीच्या शिक्षकांना मार्गदर्शन करण्यासाठी त्यांना निमंत्रित केले होते. मंगळवार दि. १८/०७/२०२३ रोजी त्यांनी विद्यालयाला भेट दिली. बालवाडी आणि पहिलीसाठी घेतल्या जाणाऱ्या विविध शैक्षणिक उपक्रमांची माहिती त्यांनी घेतली. तसेच या उपक्रमांशिवाय आपण कोणते नाविन्यपूर्ण उपक्रम राबवू शकतो याबाबतही मार्गदर्शन केले.

• 

  दि. १७/०७/२०२३ - राज्यस्तरीय किक बॉक्सिंग स्पर्धेसाठी निवड झालेल्या विद्यार्थ्यांचे हार्दिक अभिनंदन!

• 

  दि. १७/०७/२०२३ - शिष्यवृत्ती परीक्षेत पात्र विद्यार्थ्यांचे हार्दिक अभिनंदन!

• 

  दि. १७/०७/२०२३ - डॉ. होमी भाभा बालवैज्ञानिक परीक्षेत पात्र विद्यार्थ्यांचे हार्दिक अभिनंदन!

• 

  दि. १४/०७/२०२३ रोजी विद्यालयातील पहिली ते चौथी वर्गातील विद्यार्थ्यांना चंद्रयान-३ प्रक्षेपणाचे थेट प्रसारण विद्यालयातील कस्तुर-कंचन सभागृह व प्रार्थना सभागृहात दाखविण्यात आले, त्याप्रसंगाची काही क्षणचित्रे.

• 

  २८ जून २०२३ - आषाढी एकादशी दिंडी

• 

  २१ जून २०२३ - आंतरराष्ट्रीय योग दिन

• 

  १५ जून २०२३ - शाळा प्रवेशोत्सव शैक्षणिक वर्ष २०२३-२४

• 

  दि. ९/६/२०२३ ते ११/६/२०२३ दरम्यान विद्यालयातील विद्यार्थ्यांसाठी आरोग्यभान संस्थेचे डॉ. मोहन देस व त्यांच्या सहकाऱ्यांनी नातेसंबंधाचे महत्व विशद करणारे “रीलेशानी” शिबीर घेतले.

• 

  दि.२/६/२०२३ विद्यालयाचा मार्च २०२३ दहावी परीक्षेचा उज्ज्वल निकाल